Projekti GIZ-SARED, në bashkëpunim me NSGK organizoi një trajnim për marketimin, për grupet e veprimit të Zinxhirëve të Vlerës (ZV) të Bagëtive të Imëta dhe Frutave/Arrorëve, në Kozarë dhe Lumas të Kuçovës, më datat 14 dhe 15 Korrik 2016

Projekti GIZ-SARED, në bashkëpunim me NSGK organizoi një trajnim për marketimin, për grupet e veprimit të Zinxhirëve të Vlerës (ZV) të Bagëtive të Imëta dhe Frutave/Arrorëve,
në Kozarë dhe Lumas të Kuçovës, më datat 14 dhe 15 Korrik 2016

Trajnimi u ndoq nga 25 anëtarë të familjeve të fermerëve të bagëtive të imëta dhe fruta/arra nga Kozara dhe Perondia (Zona rurale Kuçovë) përgjegjës për shitjet në fermat e tyre respektive. Në këto dy zona, zonjat Pëllumbesha Pire dhe Marilda Meta janë punonjëset e shërbimit të ekstenstionit. Fermerët u trajnuan në njohuri bazë të marketingut dhe metoda të përmirësimit të shitjeve dhe rritjes së të ardhurave. Fermerët punuan në grupe tematike për të identifikuar pikat e tyre të dobëta në marketing dhe shitje, probleme të lidhura me prodhimin, të cilat duhen përmirësuar në mënyrë që të rritet fitimi nga aktiviteti i tyre. Puna në grup nxorri në pah nevojën e bashkëpunimit dhe nevojën për transformim në një grup ekonomik për të qenë efiçientë. U identifikua gjithashtu një produkt artizanal, djathi, i cili mund të zhvillohet dhe transformohet në një produkt marke, tipik për Kuçovën.